Gukora mu bushake bw’Imana bigaragarira mu kuyikunda. Yesu Kristo niwe soko y’amazi y’ubugingo ndetse akaba amazi y’ubugingo. Nutamwegera ngo akugaburire uzasonza. Byaba bitangaje uriye uyu munsi hanyuma ukavuga ko uzongera kurya mu cyumweru gitaha. Yesu niwe Jambo, niwe ufite amagambo meza y’ubugingo. Kwanga mwene So byerekana ko ukiri mu mwijima. Iyo ubana n’umuntu nibwo umumenya neza mu buryo bwuzuye. Ibyo niko bimeze kuri Yesu kuko uzamumenyera mu Ijambo ry’Imana mu gihe urisoma kenshi.
