Twashishikaye kwumva amajambo y'imburi zikomeye Imana yavugishije Amosi ku mahanga amwe kubera ivyaha vyabo bikomeye bakoze. Imbere yo kuvuga ivyerekeye ihanga ry'Ab'Isirayeli yabanje kuvuga kumahanga yar'ahakikije. Amaze kuvuga ivyerekeye Ab'Isirayeli baciyebatangura kumugwanya ngo ariko aratera abantu umugararizo ntibagomba kwumva ivy'ivyaha vyabo n'uguhanwa kwabo, ariko Amosi ntiyatinye kubabwira ukuri ababwira ic'Imana yagomba kuzobakorera yari yagabiye kuzobacira kw'iteka kandi Imana yarabishikije kubera ugukomantara kw'imitima yabo. Amosi yatanguye kuvuga kw'ihanga ryo muri Siriya. Ab'iryo hanga Imana yabahoye ko bahuraguje I Gireyadi ibibando vy'ivyuma bakoze ivyaha bikomeye mugucumagura abantu bo mu karere ko mu buseruka bwa Yorodani bakajaniranya umuto n'uwukuze. Bakoze ivyaha rero vy'ubwicanyi kandi ivyo vyarababaje Imana. Igihano Imana yabagereye cahavuye gishika atanagatoya kavuyeko.