Je, unaweza fikiria tu ingekuwaje kuona dunia vile Mungu alivyoiumba ama kutembea na Adamu na Hawa katika shamba la Edeni? Hebu tuanze kutoka mwanzo, katika kitabu cha Mwanzo. Mungu aliuumba ulimwengu, na kila kilicho ndani yake, ikiwa ni pamoja na Adamu Na Hawa. Lakini punde tu adui angetokea

Ushawahi jiuliza ingekuwaje kuweza kumsaidia Nuhu kujenga mashua kuu, ama kusafiri naye na wanyama wote hao walionuka na kupiga makelele? Hii ni hadithi ya Mungu akiokoa familia iliyompenda wakati mafuriko makuu yalipotokea. Nuhu alijua ya kwamba itakuwa vigumu kumtii katika dunia iliyojaa watu waliofuata njia zao binafsi. Lakini Nuhu alijifundisha kumuamini Mungu na kumtii hata ilipokuwa ngumu kwake- na wewe pia unaweza fanya vivyo hivyo

Ingekuwaje kusafiri na Ibrahimu hadi kwa nchi ya ahadi ambayo alikuwa hajaiona, ama kusherehekea ahadi za mungu wakati Isaka alipozaliwa? Mungu alimpa ahadi Ibrahimu, na hakuacha chochote kiingilie na ahadi hizo kutimia. Hata wakati Ibrahimu alikuwa na shauku na kufanya makosa, Mungu alikuwa anampenda na mwenye msamaha.

Ingekuwaje kuweza kumwona Isaka, Rebeka, Yakobo na Esau? Mungu alitenda mipango yake kupitia familia hii spesheli. Isaka na Rebeka waligundua ya kwamba Mungu alikuwa na mipango kuu kwa familia yao, na ilikuwa tofauti kuliko chochote walichotarajia! Hebu tujifunze nao kwanini ni muhimu kuamini mipango ya Mungu, na si yetu binafsi

Je, ulijua ya kwamba watu kwenye Biblia walikuwa na shida katika familia zao kama tunazokuwa nazo siku hizi? Mungu alikuwa na Yakobo wakati ambapo hakuna mtu angekuwa naye, hata baada ya shida nyingi za familia. Yakobo alisafiri pekeyake, akiwa na bakora yake tu, kwa nchi ya mbali. Hebu tufuatilie safari yake na tujue kuhusu mambo aliyopitia njiani na lini alipofika katika nchi ile ya mbali. Mungu angepeleka ahadi zake kwa dunia nzima kupitia watoto tutakaopatana nao katika hadithi ya Yakobo

Je, ushawahi kuwaza ingekuwaje kuona koti la Yusufu la rangi nyingi ya upinde au kutembea katika bustani za Misri? Hii hapa ni hadithi ya kijana mdogo ambaye ndoto zake zilikuja kuwa kweli kwa njia ya kushangaza! Mungu anaweza geuza jambo baya likawa jambo zuri, na kutusaidia kusamehe waliotuumiza. Mugnu alikuwa na Yusufu, na Mungu ako nasi pia.

Ingekuwaje kuweza kumsaidia Musa akiwa mchanga kutoka kwa kikapu katika mto, au kutembea naye jangwani? Mungu ana mipango ya kuokoa watu wake huko Misri, na alimtayarisha Musa kwa kazi hiyo kwa njia ya ajabu. Hkuna linaloweza kuzuia mipango ya Mungu, na anajali wakati watu wake wanateseka. Mungu ana mipango kuu kwa Musa, na pia Mungu ana mipango kuu kwetu !