SEGURO ÑANDEJÁRA NDIVE
ÑANDEJÁRA PROPÓSITO ÑANE MBA’ERÄ
Biblia he’i avei ñandéve “arandu ñepyrüha Ñandejára ñemomba’e”. ¡Upeichaite! Yvypóra oñani pya’e oñeha’ävo oikuaave, upeichavéramo jepe, ndaikatúi oikümby, ndoguerekóigui joaju hendaitépe. Ha’ekuéra, ñepyrürä, omohendava’erä joaju Ñandejára ndive hekoitépe. Ñandejára oipotágui jaikuaa, ñañemoarandu.
YVÁGA OPAVAVE ÑAHA’ARÖVA
Opa Ñandejára apopyre oñeñapytï ha oï tembiguái rekópe. Ñamoñe’ë upe ohaiva’ekue apóstol Pablo versículo 20 pahápe ha 21pe: " Ha upéicharö jepe, opa ára oha’aröva osë tembiguái reko ha ñehundígui, ohupyty haguä pe vy’a mimbipa pegua teko sä’ÿ oguerekóva Ñandejára ra’ykuéra."
JAIKO ESPÍRITU SÄMBYHÝPE
Jehovasa ndetuicháva ha’e jaikuaa ikatuha jaiko Espíritu Santo ñesämbyhýpe. Ikatu ñane ñe’ërendu chupe. Ñande ningo ndajaikói ñane año ko yvy ape ári. Espíritu Santo ñanesämbyhyse ha ikatu ojapo. Upéva ha’e jehovasa ndetuicháva umi oikóva Espíritu Santo ñesämbyhýpe.
MBA’ÉICHAPA JAGUEROHORYVA’ERÄ ÑANDEJÁRAPE
Ñande, jajeroviáva Jesucristo rehe ñaha’arö avei jaguerohory Ñandejárape, Ñandejára oñe’ëva Bíbliape, Ñandejára ojekuaaukáva ñandéve, Ñandejára añete. Ñande jaguerohoryse Ñandejárape. Jaguereko mbo’epy Bíbliape, upépe omombe’u ñandéve MBA’ÉICHAPA JAGUEROHORYVA’ERÄ ÑANDEJÁRAPE. Peteïva jajuhu aranduka Romanos capítulo 8 versículo 5 guive, 13 peve, upéva oï Nuevo Testamentope.
ÑANDEJÁRA REMBIAPOUKAPY ÑEMBOJOVAKE
Upeichavéramo jepe, peteï mba’e ijetu’úva ha ñahenonde’áva opavavete ningo, mba’éichapa ñañemoï poräta térä jajapóta Ñandejára rembiapoukapy. Jehaipyre apóstol Pablo omondova’ekue Romayguápe oguereko mbo’epy ne poräva ñane mba’erä ha jajuhúva Bíbliape, umíva omyesakä ñandéve mba’éichapa ojogueraha tembiapoukapy ha Ñandejára mba’e porä ha’éva “pe gracia”.
ÑORAIRÖ ANGAIPA NDIVE
ANGAIPA RAPO, ohechauka ñandéve mba’eichaitépa pe ñorairö oïva angaipa ndive. Umi angaipa rapo oï voi ñande retepýpe. Ñande ningo ñanase mboyve guive voi jaguerekóma pe angaipa rapo ñande rekovépe. Umíva okakuaa ñande retépe voi. Péicha ningo ñande. Ñanaséma voi angaipa apose reheve ha ndaikatúi mba’eve jajapo ñamoambue haguä upe mba’e ñande rekovégui. Jesucristo añoite ikatu ñane pytyvö. Angaipa apo oï voi ñande retepýpe. Ha’e umi tembipota ndojejapóiva gueteri.
MBA’ERÄPA TEMBIAPOUKAPY
TEMBIAPOUKAPY HE’I MBA’ÉPA ANGAIPA. Tembiapoukapy he’i ñandéve mba’épa oï vai. Apóstol Pablo he’iva’ekue ha’e ndoikuaamo’äihague mba’épa angaipa tembiapoukapy ndahe’i rire “ani nemba’epota”. Upéicharö tembiapoukapy he’i mba’epota ha’eha angaipa. Upéva hesakä porä Apóstol Pablope. Upéichaite, Biblia he’i ñandéve mba’épa oï vai. Apóstol Pablo omyesakä porä ñandéve, ha’e ohaive ha he’i tembiapoukapy he’i rire ani nemba’epota, upémarö pe angaipa apo voi oñakarama tembiapoukapýre ha omoï ipype opaichagua tembipota vai.
TEMBIAPOUKAPY PU’AKA
PE MANO TEMBIAPOUKAPÝPE upéicha ojehu ipahaitépe. Upéva ikatu hyapy hendape’ÿ, ha katu, ndojejapói haguére upe he’íva tembiapoukapýpe nomoambuemo’äi pe tembiapoukapy. Peteï kuña omendáva ikatu ndojapói pe tembiapoukapýpe he’íva. Ha’e ikatu hei omendase jeyha ambue kuimba’ére, ha ojapo vove, apóstol Pablo he’i, ha’e omoakäratïha iménape, iména oikove ramo gueteri. Rehechakuaápa, pe kuñakarai ndojapóiramo pe tembiapoukapy he’íva, upéva nomoambuemo’äiha tembiapoukapy. Ha katu, iména omano ramo, upéva omosäso chupe omenda jey haguä ambue kuimba’ére. 3
TEKOVE ISÄSÓVA
MBA’ÉPA ÑANDEJÁRA MBA’E PORÄ omyesakä ñandéve Ñandejára imba’e porä rupive oikuave’ë ñandéve säso ñande rekovépe guarä. Apóstol Pablo ohaiva’ekue angaipa ndaikatuveimaha ipu’aka máva ojeroviávare Jesucristore. Angaipa pu’aka ojeíma ha osoropáma. Ñande nañaimevéima tembiapoukapy poguýpe, ñaiméma Ñandejára mba’e porä sämbyhýpe. 2
VY’A OGUERÚVA ÑAÑEME’Ë ÑANDEJÁRAPE
Nde rejeroviama ramo Cristo rehe, ehechakuaa nde remanomaha hendive. Ha ne’ïraiti ramo rejerovia Jesús rehe, ko árape ejerovia hese ha eñemomba’e ko mba’e rehe.