TARIRO YANHASI

KUKUNDA UINA MWARI

Munhu wese anoda kuva kurutivi rwevanenge vachikunda. Pane mumwe mutauro unoti munhu anogona kurarama nekukundwa ari nani pane munhu anogona kungorarama nekukunda. Hameno. Unofunga kuti ichi ichokwadi here? Hongu kunyange zvakadaro, tinoda here kukundwa?

SARUDZO INOSUNDWA NEZVAUCHAWANA

Chimwe chinhu chakosha chiri patiri sevanhu takachiwana pamasikirwo atakaitwa. Takasikwa kuti tikwanise kuita zvatinoshuvira kuita. Zvisikwa zvizhinji zvaMwari hazvigoni kutsarudza zvazvinoda kuita. Vanhu ndivo vega vanogona kuita sarudza dzinotungamirira hupenyu hwavo.

KUDZOKERA KUNYIKA YAMWARI

Bhaibheri ibhuku rakanyorwa mashandiro aMwari nevanhu nekuti vanhu vacho vaigamuchira Mwari sei. Muhurongwa nezvinangwa zvake akasarudza munhu mumwe chete waakaita naye sungano. Tese tinoziva munhu uyu ari baba vedu Abramu. Zvakakodzera kuti tifungisise pamusoro pekuti Abramu airarama sei. Kubva pahupenyu hwake tinogona kudzidza zvidzidzo zvakawanda zvinotibatsira kwehupenyu hwedu hwese.

KURASIKIRWA NEZVAKANAKISISA ZVAMWARI

Kune vamwe vanhu hupenyu itsaona. Vanoti, “Handina kusarudza kuti ndizvarwe. Saka zvine basa rei kuti ndiri kuenda kupi?” Ndinoda kukupa tariro nekuti ndinodavira kuti Mwari vane hanya newe. Bhaibheri Dzvene rinondiudza kuti Mwari vane hanya newe. Mwari vaive nehanya nababa vedu Abramu. Hongu vaive nehanya navo. Rega ndikuratidze kubva pane zvakaitika kuna Abramu zvinoratidza kuti Mwari vakange vaine hanya naye.

KUGAMUCHIRA CHIPO CHAMWARI

Hameno kuti hapanawo here chidzidzo chaicho chatinowana paya patinoona vamwe vanhu vanoti pavanonzwa pamusoro pechipo chaMwari. Chipo chehupenyu husingaperi. Vanongozvitora sezvinhu zvisina basa. Havana hanya nekupenegura nekuwongorora chipo chacho. Baba vedu Abramu vakange vasingabatiri zvinhu pamusoro kudaro. Vainyatsopenengura nekuwongorora. Vaifungisisa pamusoro pazvo.

KUNZWA KUDANA KWAMWARI

Wati wambonzwa Mwari vachitaura newe here? Ndinofunga kuti vazhinji vedu hatisati tambonzwa Mwari vachitaura sekunzwa kwakaita Abrahama Mwari vachitaura. Mumoyo memunhu wese mune chishuwo nekudokwairira Mwari. Hongu ndizvo zvazviri. Asi kune vamwe vanoedza kuzviudza kuti hakuna Mwari. Zvisinei Bhaibheri rinoti munhu akadai anonzi benzi.

MAVAMBO MATSVA EVANHU

Ini ndinotenda kuti vanhu vazhinji vanoronga zvinhu zvavo vasingambofunga kuti Mwari vanoti kudii. Vanotoita hurongwa hwavo vakangotarisa zvido zvavo chete. Kushaya hanya naMwari kana kusamuziva hazvirevi kuti iwe unozobudirira pakuita zvaunoda. Ndinoda kuti ubatisise pfungwa iyi. Kune vamwe vanhu vanofunga kuti unogona kungoshaya hanya naMwari worega kumuteerera zvaanotaura uchingoita hako madiro ako. Asi chokwadi ndechekuti sevanhu pane patinogumira.

KUPANDUKIRA MWARI KWEVANHU

Pane chinhu chinonakidza kuita. Chinhu ichi ndechekuti kana iwe uri pakakwirira wotarisa zvinhu zviri pasi. Unogona kutarisa uri mugomo kana kutarisa uri panharire yomurindi kana kutarisa uri mundege. Maonero aya anokuita kuti ushamiswe nehukuru hwaMwari nekunyatsoonawo hudiki hwako.

KUGAMUCHIRA NZVIMBO YAMWARI

Dzimwe nguva zvakaoma kuziva kuti Mwari vanoda kuti unge uripi kana kuziva kuti Mwari vanoda kuti uitei. Dzimwe nguva zvinotonetsa kuti ndizive kuti zvandinonyatsoda ndezvipi - zvandisingagoni kurarama ndisina. Ndinoda kukubvunza mubvunzo iwoyo izvozvi. Ndezvipi zvinhu zvinodiwa nemunhu zvaasingagoni kurarama asina?

ZVAKAVIMBISWA NOA NAMWARI

Kuvimbisa - kana uchizvitaura nenzira iri nyore unenge uchingoti, Ndicha. Kuvimbisa zvinoreva kutaura zvauchada kuzoita. Matorero aunoita zvinhu uchiratidza zvaunoda kuita paunenge uri mune mamwe mamiriro ezvinhu. Sezvo Mwari vari ivo NDICHAVA mukuru. Ndivozve muneramangwana NDICHAVA. Munhu akadzidza nyaya yekuvimbisa kubva kuna Mwari.

Zvipikirwa zvaMwari