Yohana agaragaza umunezero kubwa Gayo
-
3 Yohana 1: 4 - 7
Close
Nta ciza dufise twoshikanira Imana
Twabonye ko ataco dufise twoshikanira Imana atari ugukora ibiroranye no gukunda kugira imbabazi no kugendana n'Imana twicishije bugufi. Twabonye ko ivyo vyose tutobikora tudafashijwe na Mpwemu w'Imana.Twararabiye hamwe kandi ivyaha Ab'Isirayeli bakora bica bituma Imana ibacira urubanza. Twabonye ko bari abantu babesha kandi bahendana, hagati muri bo hari umuryano, bahevye Imana ariko yarabanye; yemeye ko umwansi abatwara nk'inyagano i Ashuri.
Urukundo rwa Yohana kuri Gayo
Muri kino cigwa, turumviriza urukundo Yohana agaragaza kuri mweneData Gayo. Amwita umukundwa kandi amwipfuriza gutunganirwa mu mubiri no mu Mutima.
Ibibazo bine Ab'Isirayeli bibajije
Twarabiye hamwe ibibazo 4 Ab'Isirayeli babajije kugira barabe ingene boshika imbere y'Imana, babaza ico boserukana imbere yayo. Mbega bari guserukana ibimazi? Ab'Isirayeli bibaza ko boserukana ibikorwa vyiza bakora ariko twabonyeko ibikorwa vyiza bitadushikana ku Mana. Twabonye ko umuntu ataco afise ciza comushikana ku Mana yitwa ngo n'ishikanwa ashikanye. Ntaco Imana idusaba gukora ngo dushike imbere yayo atari gukora ibiroranye no gukunda kugira imbabazi, no kugendana nayo twicishije bugufi nk'uko Mika yabivugishijwe ku bwoko bw'Ab'Isirayeli. Ubwo nibwo buryo rero ushobora gukora kugira ngo ushike ku Mana mugabo ubwo buryo dutegerezwa kubufashwamwo n'ubushobozi bwa Mpwemu w'Imana.
Intangamarara y'icete ca 3
Twarabiye hamwe intangamarara y'aya ma kete yose uko ari atatu yanditswe na Yohana. Twarumvise ko umwanditsi ari Yohana intumwa kandi ko yayanditse igihe kiri hafi y'impera y'ikinjana ca mbere. Intumbero nyamukuru iboneka n'urukundo mu bana b'Imana nk'uko twabibonye mu ikete rya mbere rya Yohana . Mu ikete rya kabiri naho, Yohana yerekana ko umwana w'Imana ategerezwa kwitaho no gufasha abakozi b'Imana ariko abanje kumenya ko ari abo ukuri. Mu ikete rigira gatatu yerekana ingene umuntu umwe wese yoshingira intahe Imana afatiye kuri Gayo, Diyotirefe na Dimeteriyo.
Ukuza kwa mbere kwa Kristo
Twarabiye hamwe ukuntu Imana yaburanije abantu bayo ibasaba ngo bihane, bayigarukeko kubera incungu yabo ya kera. Imana yabakuye mu gihugu ca Egiputa aho bari abaja ariko yarabakuyeyo ibashikana mu bugaragwa mbere yabahaye n'abarongozi, Mose, Aroni na Miriyamu ngo babarongore ariko bashitse mu gihugu bibagiye ivyiza Imana yabakoreye, bibagiye ukuintu Imana yabakuye mu manzu y'ubuja muri Egiputa. Twabonye kandi ukuntu Imana yabakingiye Balamu igihe yagomba kubavuma. Imana yari muruhande rwabo irabagwanira. Ntawushobora rero kuvuma uwo Imana yahezagiye, ese ukuntu ari vyiza kuba Imana iri muruhande rwacu n'uyu musi, unezererwe ko Imana iba mu ruhande rwawe.
Tugendere mu cagezwe c'urukundo
Mu cigwa c’uno musi tuza kurabira hamwe ko umuntu atagumye mu vyo Kristo yigishije ataba afise Imana. Turaza kurabira hamwe ko tudakwiye kwakira canke guha ikaze mu nzu zacu umuntu azanye inyigisho zitandukanye n’iza Kristo. Reka rero tubandanye icigwa cacu.
Ubuhanuzi bwo kuza kwa mbere kwa Kristo
Twakomeje kurabira hamwe ubuhanuzi bwari hafi ya kazoza mu vyo Mika atubwira, twabonye kandi n'ubuhanuzi buri kure ya kazoza. Twarabonye ko ivyago vyashikiye ubwami bwo mu bumanuko vyagereranywa n'imibabaro y'umugore afashwe n'ibise ngo avyare. Umubabaro w'umugore agomba kuvyara umara igihe gito hanyuma akanezerwa amaze kuvyara. abantu bo mu bwami bwo mu bumanuko bategerezwa kugira umubabbaro akanya gato hanyuma bakagira umunezero. Naho bagize ivyago, Nebukadineza agafata igisagara c'i Yerusalemu kigasambugwa mbere bagatwagwa nk'inyagano yamara Imana yavuze ko mu gihe kigiye kuza izohana abateye Yerusalemu , yabasezeraniye ko bazonesha ayandi mahanga muri Kazoza. Hazoba hari intambara ikomeye, intambara ya Haramagedoni, muri iyo ntambara niho Imana izoha inkomezi Isirayeli zo kunesha ayandi mahanga.
Urukundo n'iki?
Mu cigwa c’uno musi tubandanya kwumva ivyo urukundo n’ukuri. Turaza kurabira hamwe ukuntu ubugingo bubonekera mu nyigisho za Kristo. Dusozera tubwirwa kwiyubara ngo ntiduhombe ivyo twakoreye
Ubuhanuzi bw'ukuza kwa mbere kwa Kristo
Twatanguye kurabira hamwe ubuhanuzi b'ukuza kwa mbere kwa Kristo. Twabonye ko vyari vyaravugishijwe ko Kristo azovukira I Betelehemu kandi nkuko twabibonye mw'isezerano risha, niko vyagenze.
Ubuhanuzi bwa hafi ya kazoza
Twakomeje kurabira hamwe ubuhanuzi bwari hafi ya kazoza mu vyo Mika atubwira, twabonye kandi n'ubuhanuzi buri kure ya kazoza. Twarabonye ko ivyago vyashikiye ubwami bwo mu bumanuko vyagereranywa n'imibabaro y'umugore afashwe n'ibise ngo avyare. Umubabaro w'umugore agomba kuvyara umara igihe gito hanyuma akanezerwa amaze kuvyara. abantu bo mu bwami bwo mu bumanuko bategerezwa kugira imibabaro akanya gato hanyuma bakagira umunezero naho bagize ivyago Nebukadineza agafata igisagara c'i Yerusalemu kigasambugwa mbere bagatwarwa nk'inyagano yamara Imana yavuzeko mu gihe kigiye kuza izohana abateye Yerusalemu. Yabasezeraniye ko bazonesha ayandi mahanga muri kazoza, hazoba hari intambara inkomeye intambara ya Haramagedoni. muri iyo ntambara niho Imana izoha inkomezi Isirayeli zo kunesha ayandi mahanga.