Inyigisho za Bibiliya

Ivyo kugeragezwa no gukora icaha

Twarabiye hamwe intangamarara y'igitabu c'uwavugishwa n'Imana Yoweli. Muri iyo ntangamarara, twabonye ko uwavugishwa n'Imana Yoweli ariwe yatanguye gukoresha imvugo y'ijambo rivuga ngo:Umunsi w'Uhoraho. Twabonye kandi ko ubuhanuzi bwa Yoweli bufise ibihimba bitatu(3) gusa bigufi bigufi bihambaye mugabo bifise ikibanza gihambaye muvyanditswe vyera.M…Soma cane

Ivyiza biva mu kwihangana

Ubuheruka, twarangije icete ca Yakobo , twumvise amajambo y'impanuro yerekeye ivyo kwihangana aho yerekanye ko ari ukwihangana gushika kw'iherezo. Ikindi twabonye n'ubushobozi bwo gusenga. Yakobo yavuze ngo: Ugusaba kw'Umugororotsi kugira ikimazi kuri vyinshi mu gikorwa cakwo (Yakobo 5:16).

Ivyiza biva mu kwihangana

Twaganiriye ku mahani yahawe abatunzi twishimikije ivyanditswe mu cete ca Yakobo 5:1-6. Muri iyo mirongo , Yakobo arereka abatunzi yuko itunga rikuru ari ukwubaha Imana. Nayo ahandi hoho ubutunzi butagiramwo kwubaha Imana buraboze. Kanatsinda bene bwo bitebe bitebuke bazobora nabwo buzotandukanywa nabo. Intumbero y'iki cigwa, n'ukugirango umu Kristo w'umutunzi yiyubare ntakoreshe kugunga abanyagihugu nkuko abanyepolitike n'abandi batunzi batazi Imana babigira. Vyongeye n'ukugira ngo umukristo yoye gukoresha nabi ubutunzi bwiwe yahawe n'Imana.

Intangamarara y'igitabo

Mu kiganiro giheruka twabonye mu gice ca 4, ivy'ukugwanya satani , ukwicisha bugufi hamwe n'ukwirinda gufata imigambi ya kazoza hatarimwo Imana.

Urukundo hagati y’abana b’Imana

Twaronse inyigisho zijanye nokwirinda ngo ntiducudike n'isi nk'uko tubibona Yakobo 4:4 havuga ngo : Yemwe basambanyi ntimuzi yuko gucudika n'isi ari ukwankana n'Imana. Nuko umuntu wese agomba kuba incuti y'isi aba yigize umwansi w'Imana.Iyo tugomvye rero kwifatanya n'ab'isi kugira ngo dushobore gushikira ivyo tugomba tuba tubaye abasambanyi. Kanatsinda twifadikanije n'ab'isi mu migambi yacu , tuba twemeye no gukoresha n'uburyo bakoresha mw'isi mukuyirangura. kuri bo rero kugunga, ukubesha no kwiba nibintu bisanzwe kandi biraborohera kubikora.

Isirayeli ihinduka umuzabibu utotahaye

Ubuheruka twaganiriye ivy'ugufata ururimi. Twongera turabira hamwe mu ncamake itandukaniro ry'ubwenge bwo mw'isi n'ubwo mw'ijuru.Twibukanije ko ururimi rushobora guturira igisagara canke rugaturira igihugu cose iyo rukoreshejwe nabi. Umukristo w'ukuri yirinda kuvuga vuga, akitwararika kwumva ijambo ry'Imana no kurinonosora. Ikindi twokwibukanya nuko ubwenge bwo mw'isi burangwa n'ubwibone n'izindi ngeso mbi ariko ubwenge bwo mw'ijuru bukarangwa no kugororoka n'amahoro biva ku Mana ( Yakobo 3:17)

Ingene ab'Isirayeli batazoguma mu gihugu

Twumvise amajambo y'intangamara y'iki cete canditswe na Yakobo. Yakobo yarerekanye neza ko ukwizera kubonekera mu bikorwa. Muri iki cete turabona amajambo abiri aguma agaruka: irya mbere n'ukwizera, irya kabiri n'ibikorwa arizo mbuto z'ukwizera.Umuntu yizera hanyuma akagira ibikorwa vyiza biboneka yuko ukwizera kwiwe kugira ivyo kwamye kandi vyiza.

Isirayeli ihindukirira ibigigwamana bibiri

Twarabiye hamwe ingene ukwizera kutagira ibikorwa ataco kuba kumaze. Yakobo we yavuze ngo: Ukwizera kutagira ibikorwa kuba gupfuye ngo kandi nkuko umubiri utarimwo impwemu uba upfuye niko n'ukwizera kutagira ibikorwa kumera( Yakobo 2:26).Ukwizera guhingugwa n'ibikorwa kandi ibikorwa vyakwo nivyo bidutsindanishiriza .

Isirayeli ihindukirira Egiputa na Ashuri ngo bibakize

Ikiganiro giheruka, cari gishimikiye kuvyo kwirinda ngo ntitukarobanure abantu k'ubutoni. Twarumvise yuko Imana idahimbagwa nukubona abantu bacinyizwa kubera ko ari aboro. Mw'isi yose usanga abantu bato bato bafashwe nabi hagashirwa hejuru abatunzi n'abategetsi igitangaje kandi nuko usanga akarenganyo karashitse no mw'ishengero ry'abizera Umwami Yesu. Imana iragomba ko tumenya ko umutunzi atariwe ahiriwe,ubutunzi bwiwe ni ubw'igihe gito kuko ari ubwo mw'isi . Ni vyiza kandi kumenya yuko aboro bashobora kubamwo ubutunzi buhambaye muvyo kumenya Imana.

Ivyizigiro vya Isirayeli

Twumvise ivyiza biva mukwitegereza no gushishikara ivyagezwe vy'Imana, uwo vyitondera azohabwa umugisha muvyo akora. Twaraganiriye kandi kuvy'idini nyakuri. Icambere kiranga idini y'ukuri ngo ni ugufata ururimi, ni ugufasha impfuvyi n'abapfakazi mu mibabaro yabo. Ikindi gihambaye n'ukwirinda ngo ntitwanduzwe n'ivy'isi.ivyo vyose biri mumirongo yanyuma y'igice cambere c'icete canditswe na Yakobo.Twarangirije mu gice ca kabiri cico cete aho twumvise ivyo kwirinda kurobanura abantu ku cubahiro.

Isirayeli iva ku Mana

Twarabiye hamwe ivyerekeye gukora ico ijambo ry'Imana rivuga. Twarumvise ko ari ngombwa yuko dukora ivyo ijambo ry'Imana ritubwira nk'uko vyanditse mu cete ca Yakobo 1:22. Abatarakizwa bo ubutumwa bakwiye n'ubwo kwizera Umwami Yesu arikwo kwizera ijambo ry'Imana. Nayo ukwirukira gukora canke gushira mu ngiro ijambo ry'Imana ribasaba ntavyo baba barashobora, bakwiye gusa kubanza kwakira n'ukwizera Umwami Yesu. Twarabonye mu ceye ca Yakobo 1:23 na Yakobo 1:24 yuko hari akaga gakomeye mu kwirengagiza Ijambo ry'Imana ariko Yakobo 1:25 turabona ko ari umugisha ku bumva ijambo ry'Imana bakaryatondera.